ENGLISH
 

მონაწილეობის კრიტერიუმები

RTGS სისტემის მონაწილე შეიძლება იყოს:

-       ეროვნული ბანკის მიერ ლიცენზირებული კომერციული ბანკი

-       საქართველოს ფინანსთა სამინისტროს სახაზინო სამსახური

-       საქართველოს ეროვნული ბანკი

პრეტენდენტი ეროვნული ბანკის მიერ დაშვებული იქნება სისტემაში მონაწილეობისთვის მხოლოდ იმ შემთხვევაში, თუ დააკმაყოფილებს RTGS სისტემის წესებით განსაზღვრულ ყველა მოთხოვნას და ვალდებულებას.

 

1.      პრეტენდენტი სისტემაში ჩართვისთვის წერილობით მიმართავს ეროვნულ ბანკს და წარმოადგენს სისტემის წესებით განსაზღვრულ მონაწილის განაცხადის ფორმას ან სხვა დამატებით ინფორმაციას საჭიროების შემთხვევაში.

2.      ეროვნული ბანკი განიხილავს განაცხადს და მიღებულ გადაწყვეტილებას აცნობებს პრეტენდენტს RTGS სისტემის წესებში გაწერილი ვადების შესაბამისად.

3.      დადებითი გადაწყვეტილების მიღების შემთხვევაში პრეტენდენტმა უნდა დააკმაყოფილოს შემდეგი კრიტერიუმები:

o   სისტემის მონაწილეს უნდა ჰქონდეს საბანკო კოდი, რომლის საშუალებითაც სისტემა დადგენილი წესების შესაბამისად განახორციელებს მის იდენტიფიკაციას;

o   სისტემის მონაწილეს უნდა ჰქონდეს გახსნილი საკორესპონდენტო/ ანგარიშსწორების ანგარიში საქართველოს ეროვნულ ბანკში;

o   სისტემის მონაწილე ვალდებულია გამართოს ეროვნული ბანკის მიერ მისთვის მიწოდებული სისტემის პროგრამული უზრუნველყოფა, მისი მხარდამჭერი ყველა კომპონენტი, მათ შორის საგადახდო შეტყობინებებზე ციფრული ხელმოწერის საშუალებები და უზრუნველყოს RTGS სისტემასა და შიდა სისტემას შორის ინფორმაციის უწყვეტ რეჟიმში გაცვლა;

4.      სისტემის ოპერატორი უზრუნველყოფს სატესტო გარემოში ტესტირების მიზნით პრეტენდენტის მხარდაჭერას და შეთანხმებული გეგმის მიხედვით ტრენინგის ჩატარებას.

5.      პრეტენდენტის ტესტირების წარმატებით დასრულების და RTGS სისტემის წესებით განსაზღვრული მონაწილეობის კრიტერიუმების დაკმაყოფილების შემთხვევაში, სისტემის ოპერატორსა და მონაწილეს შორის  ფორმდება „დროის რეალურ რეჟიმში ანგარიშსწორების (RTGS) სისტემაში  მონაწილეობის შესახებ ხელშეკრულება.

ფინანსური და ეკონომიკური წიგნიერება სკოლებში - დამხმარე სასწავლო მასალა სამოქალაქო განათლების პედაგოგებისთვის

ფინანსური და ეკონომიკური წიგნიერების საკითხების ეროვნულ სასწავლო გეგმაში ინტეგრაციის შემდეგ, საქართველოს ეროვნულმა ბანკმა, გერმანული შემნახველი ბანკების ფონდის (SBFIC) მხარდაჭერითა და სამოქალაქო განათლების პედაგოგთა ფორუმის ჩართულობით, სამოქალაქო განათლების მე-7 კლასის პედაგოგებისათვის, დამხმარე სასწავლო მასალა შეიმუშავა.

საბაზო საფეხურისთვის განკუთვნილი ფინანსური და ეკონომიკური წიგნიერების საკითხები, ახალი ეროვნული სასწავლო გეგმის მიხედვით საგანში „მოქალაქეობა" გაერთიანდა. ამავე  გეგმის მიხედვით, სწავლება 2019-2020 წელს პირველად მე-7 კლასში დაიწყო და მომდევნო წლებში ეტაპობრივად, საბაზო საფეხურის მაღალ კლასებშიც გაგრძელდება. აღნიშნული დამხმარე მასალა სწორედ „მოქალაქეობის" წლიურ პროგრამაზე დაყრდნობით შემუშავდა და პედაგოგთა მხარდაჭერას ისახავს მიზნად.

დამხმარე სასწავლო მასალა მე-7 კლასის წლიურ პროგრამაში მოცემულ ყველა ეკონომიკურ-ფინანსურ საკითხს ფარავს. ეს საკითხებია: ფული და ბარტერი; ბაზარი (მოთხოვნა-მიწოდება) და ფასი; კერძო და საჯარო საკუთება; შემოსავალი, ხარჯვა და ბიუჯეტირება (პირადი ფინანსების მართვა); დაზოგვა და ქველმოქმედება. სასწავლო მასალას თან ერთვის საკლასო აქტივობებისა და სავარჯიშოებისთვის განკუთვნილი სამუშაო ფურცლები და დეტალური ინსტრუქციები მასწავლებლებისთვის. მასალა არა მხოლოდ თეორიული ცოდნის გაღრმავებაზე/გამდიდრებაზეა ორიენტირებული, არამედ ასევე გაკვეთილის დასაგეგმად და ჩასატარებლად ბევრ პრაქტიკულ რჩევასა და აქტივობას მოიცავს.

შემუშავებული დამხმარე სასწავლო მასალა ნებისმიერი დაინტერესებული პირისთვის არის ხელმისაწვდომი:

ფინანსური და ეკონომიკური წიგნიერება სკოლებში  - VII კლასი

  დამატებითი სავარჯიშოები და აქტივობები

 
 
Copyright © 2020 National Bank Of Georgia   Created by: Pro-Service