ENGLISH
 

სამართლებრივი აქტების პროექტები

საქართველოს ეროვნული ბანკი ფასიანი ქაღალდების ბაზრის ზედამხედველობის გამჭვირვალობის გაზრდის მიზნით, აქვეყნებს ზედამხედველობასთან დაკავშირებული ნორმატიული აქტების პროექტებს. აღნიშნული საშუალებას აძლევს დაინტერესებულ მხარეებს და ბაზრის მონაწილეებს თავიანთი მოსაზრება და კომენტარები მიაწოდონ ეროვნულ ბანკს. ეროვნული ბანკის აღნიშნული უფლებამოსილება განსაზღვრულია "საქართველოს ეროვნული ბანკის შესახებ" საქართველოს ორგანულ კანონში განხორციელებული ცვლილებებით.

შეგახსენებთ, რომ აღნიშნულ გვერდზე განთავსებულია სამართლებრივი აქტების მხოლოდ სამუშაო პროექტები, რომლებიც საბოლოო რედაქციამდე, განხილვის პროცესში, ექვემდებარებიან როგორც პრინციპული, ისე შინაარსობრივი და ტექნიკური ხასიათის ცვლილებებს.    


ამჟამად საკონსულტაციო სახით გამოქვეყნებულია შემდეგი პროექტები:

ანგარიშვალდებული საწარმოების სტატუსის გადახედვა - დაინტერესებული მხარეებისგან შემოთავაზებების, შენიშვნებისა და კითხვების გამოგზავნა შესაძლებელი იქნება 2018 წლის 1 დეკემბრამდე შემდეგ ელექტრონულ მისამაართზე: capitalmarket@nbg.gov.ge   

 

 

 

საპენსიო სააგენტოს სპეციალიზებული დეპოზიტარის შესარჩევი პროცესი

"დაგროვებითი პენსიის შესახებ" საქართველოს კანონის შესაბამისად, საპენსიო სააგენტომ გამოაცხადა კონკურსი სპეციალიზებული დეპოზიტარის მომსახურეობის გაწევის მსურველთათვის. განცხადება განთავსდა სახელმწიფო შესყიდვების სააგენტოს ვებგვერდზე (განცხადების ნომერი: GEO200000002).

კონკურსში გამარჯვებამდე, სპეციალიზებული დეპოზიტარობის მსურველმა ფინანსურმა ინსტიტუტმა ასევე უნდა მიმართოს საქართველოს ეროვნულ ბანკს არაუგვიანეს 2020 წლის 2 მარტისა და მოიპოვოს საქართველოს ეროვნული ბანკის მხრიდან ავტორიზაცია.

სპეციალიზებული დეპოზიტარი ავტორიზაციას იღებს და საქმიანობას ახორციელებს „დაგროვებითი პენსიის შესახებ“ საქართველოს კანონის და საქართველოს ეროვნული ბანკის მიერ მიღებული ნორმატიული აქტის შესაბამისად (ბრძანება №259/04).

ბაზრის მონაწილეებთან კომუნიკაციის შედეგად აღნიშნულ ნორმატიულ აქტში შევიდა გარკვეული ცვლილებები და გთხოვთ იხილოთ განახლებული სამუშაო ვერსია, რომელიც უახლოეს მომავალში დამტკიცდება. ასევე, შეგიძლიათ გაეცნოთ ავტორიზაციის მინიჭებისათვის საჭირო დოკუმენტაციის მოკლე ჩამონათვალს და განაცხადის ფორმას.

დამატებითი კითხვების არსებობის შემთხვევაში გთხოვთ მოგვწეროთ შემდეგ ელექტრონულ მისამაართზე:
pa_supervision@nbg.gov.ge

 


დაგროვებითი საპენსიო სქემის სპეციალიზებული დეპოზიტარის მარეგულირებელი წესი  

დაგროვებითი საპენსიო სქემის სპეციალიზებული დეპოზიტარის ავტორიზაციის მინიჭებისათვის საჭირო დოკუმენტაციის ჩამონათვალი

საპენსიო სააგენტოს სპეციალიზებული დეპოზიტარის საავტორიზაციო განაცხადის ფორმა  

 


 

 
 
Copyright © 2021 National Bank Of Georgia   Created by: Pro-Service