ENGLISH
 

17.12.2018   ბეჭდვა
საქართველოს ეროვნულ ბანკსა და საქართველოს კონკურენციის სააგენტოს შორის თანამშრომლობის მემორანდუმი გაფორმდა

საქართველოს ეროვნული ბანკის პრეზიდენტმა კობა გვენეტაძემ და საქართველოს კონკურენციის სააგენტოს თავმჯდომარემ ნოდარ ხადურმა ურთიერთთანამშრომლობის მემორანდუმს მოაწერეს ხელი.

„კონკურენციის შესახებ" საქართველოს კანონის მე-6 თავისა და „საქართველოს ეროვნული ბანკის შესახებ" საქართველოს ორგანული კანონის 47-ე მუხლის შესაბამისად, მხარეები შეთახმდნენ: საფინანსო სექტორში, ინსტიტუციებს შორის, კონკურენციის კანონმდებლობის აღსრულების, კონკურენციის პოლიტიკის ეფექტურად წარმართვისა და ჯანსაღი კონკურენტული გარემოს უზრუნველყოფის მიზნით, თანასწორობის და ურთიერთსარგებლიანობის პრინციპზე დაყრდნობით, თანამშრომლობა გააძლიერონ. ასევე, ხელი შეუწყონ ევროკავშირსა და საქართველოს შორის დადებული ასოცირების შეთანხმების ყველა პრინციპსა და დებულებას, რომელიც დაკავშირებულია კონკურენციის მარეგულირებელ კანონმდებლობასთან და მის იმპლემენტაციასთან.

მემორანდუმის ხელმოწერით, უწყების ხელმძღვანელმა პირებმა მზადყოფნა გამოთქვეს ერთობლივი ძალისხმევით განახორციელონ - კონკურენციის დაცვასთან დაკავშირებული  კანონმდებლობის შეცვლის/დახვეწის თაობაზე წინადადებები; ინფორმაციის გაცვლა, გამოცდილების გაზიარება, საექსპერტო მოსაზრებების შემუშავება და ა.შ.

 

<< უკან

 
 
Copyright © 2019 National Bank Of Georgia   Created by: Pro-Service