ENGLISH
 

02.10.2009   ბეჭდვა
კომერციული ბანკების აქტივების მდგომარეობა

2009 წლის 1 სექტემბრის მდგომარეობით, საქართველოს საბანკო სექტორი 19 კომერციული ბანკითაა წარმოდგენილი; მათ შორის 14 – საწესდებო კაპიტალში უცხოური კაპიტალის მონაწილეობით და 2 – უცხოური ბანკის ფილიალით. წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 102.3 მლნ ლარით, ანუ 1.3 პროცენტით გაიზარდა და 7878.3 მლნ ლარი შეადგინა. საბანკო სექტორის საკუთარი სახსრები 1495.1 მლნ ლარს შეადგენს, რაც კომერციული ბანკების მთლიანი აქტივების 19.0 პროცენტია.

უცხოური კაპიტალის წილმა ბანკების მთლიან განაღდებულ საწესდებო კაპიტალში 79.4 პროცენტი შეადგინა.

ხუთი უმსხვილესი აქტივების მქონე ბანკის წილი საბანკო სექტორის მთლიან აქტივებში წინა თვესთან შედარებით 0.3 პროცენტული პუნქტით გაიზარდა და 79.7 პროცენტს მიაღწია.


წინამდებარე სტატისტიკური ინფორმაცია ქვეყნდება საქართველოს ეროვნული ბანკის ვებ–გვერდზე, სტატისტიკის რუბრიკაში მისამართზე: www.nbg.ge

<< უკან

 
 
Copyright © 2019 National Bank Of Georgia   Created by: Pro-Service